زكاء المراه

السلام عليكم

الموضوع ده بقالى فتره بحضرله

كنت اتكلمت قبل كده عن اهم مفاتيح للست وهيا دلعها وانوثتها وانها امرأة ربنا خلق فيها كل المواصفات دى وخلق في الرجل انه يتشد ويضعف قدام كل الصفات دى

واتكلمت كمان عن الحوار الزوجى واصوله لان اغلبنا كوووووولنا بنتجوز واحنا منعرفش عنه حاجه وبنصطدم ونفضل نصطدم مع بعض رغم الحب والمشاعر بينا لكن اوقات بنتعلم ونصلح وناخد التجربه واوقات بنفضل مش فاهمين وبعد شويه بتنقطع الخيوط بينا

النهارده بتكلم عن حاجه جديده محدش علمها لاغلبنا لاقبل الجواز ولا بعده حاجه بتيجى بالخبره ويمكن منعرفش نعملها خالص لانها بلاكتساب وتشغيل الدماغ وعاوز تروس الدماغ تشتغل وتتزيت من وقت للتانى والذكاء الى بيلمع فى العينين يشتغل وننط كدهونقول وجدتهااااا

بتكلم عن المكر الحلال
ناس كتير قالت بسهوله بالمكر الحلال والسحر الحلال تكسبى جوزك
والناس القدام قالوا بالحيله تسايرى امورك والى عدوك ممكن يبقا فى صفك
بدهاء وذكاء الانثى تقدر تكسب كل حاجه
جميل ورائع
بس هلاقى كتيييييير بيقولوا بس احنا منعرفش نعمل ايه؟؟
مليش فى المكر والحيله واذكاء وبعدين انا مبحبش اللف والدوران وكرامتى متسمحليش وبعدين انا اصلى دوغرى ومليش فى الحركات دى
وكمان انا صريحه واحب اقول للوحش انت وحش فوشه
او لا اصلى بتكسف وبزعل وبكتم فنفسى ومبعرفش افكر وبعدين انسى واسامح الدنيا مش مستاهله حيلة وذكاء والكلام ده


اسمحولى كلكم اقولكم ده كله كلام من قلة الحيييييله
لان المكر او الحيلة دى حاجه حلال انتى مش بتاذى بيها حد ولكن يمكن متعرفيش تاخدى حقك بشكل مباشر لكن بتاخديه بشكل حلال ومشروع وبيحافظ على كرامتك
لان الطرق المباشرة والمواجهه والتصادمات مبتجيبش نتيجه صح او حل

انا هتكلم هنا عن موضوع ونماذج ومواقف ممكن تتعمل بذكاء المراه والحيلة ودهائها الى ذكره سبحانة وتعالى
ان كيدكن عظيم

بس انا ياجماعه كل الموضوع ده بعمله نتيجة تجارب وقراية من حياتى واخرين ومجهود والى قرولى قبل كده عارفينى
ليا كم حاجه بسيطه اوى عندكم حتى لو مردتوش
اولا انا مش طالبة غير الدعاء ليا
ثانيا انه ضرووووورى جدا الى عندها موقف او مواقف قرتها او حصلت معاها فيها مكر او حيلة او دهاء او ذكاء وحتى لو جت معاها بالصدفه ونجح تحكيه لوجه الله عشان يفيد يغيرها ونفيد بعض عشان نبقا كلنا اسعد
بلاش الانانيه نقرا ونمشى من غير كلمة رد وندخل كل يوم نقرا ونتعلم ومنفيدش حد ناخد بس ومنديش
الى عنده حاجه يحكى عشان نتفاعل وتشجعونى اكمل

ثالثا يتم التقييم لو الموضوع عجبكم ليتم تثبيته عشان اكبر قدر من الناس تستفيد
وجزاكن الله خيرا


هبدا بامثله بسيطه

ويمكن الامثله دى هتخص حاليا لما يكون فى حد زوجك او خطيبك معجب بيه او واحده بتحاول تلفت انتباهه هتتصرفى ازاى لانه موقف ممكن يحصل جداااا
وهعملها على شكل قصه صغيره عشان توصل على لسان واحده بتحكى بس هحكى باختصار لانى مش الهدف القصص اد ماهو اتصرفت ازاى ماشى؟
وبعد كده هناقش موقف موقف


جوزى ماله اليومين دول بيتكلم كتير عن زميلتة فى الشغل وعن اخلاقها وثقافتها وذكاءها وحاولت افهم منه لقيتها لسه مش متجوزة وطبعا هيا فرحانة باعجابة ده وبتستهبل وانا بحاول اسمع منه ومصدوش عشان اعرف الامور ماشيه ازاى وكل ماشوفه وهو بيتكلم ولمعة الى فعينيه مع سيرتها اتغاظ
وفنفس الوقت الايام دى عماله اهتم بنفسى بس هو مش معايا وبيسرح
جه يوم الشركه عامله مناسبة وسالنى عاوزة اروح معاه ولا لا؟ ومحتاره اروح ولا لا عندى فضول رهيب اروح وفنفس الوقت خايفه يبان عليا وهيا تحرق دمى وحاساه بيعزم عليا وخلاص
وبعد تفكير اشتريت لبس جديد عشان اروح معاه وروحنا وعرفتها بحيويتها وجت سلمت علينا واتغظت من اللمعه الى كانت فعين جوزى بعد ماسلمت قالتلى فلان بيحكيلى عنك وعن ابنك كتير رديت بدهاء انثوى وضحكه دلع ااااه اصل فلان ميقدرش يستغنى عننا ابداااا

الكلام بينهم مبيخلصش قلت لازم اغير مجرى الحوار عشان يكون معايا انا بس جوزى بيقولى انك متميزة فشغلك وبتحبيه ياترى ناويه تكملى بعد اجلواز والولاد ؟
ردت بصوت متالم وبدلع شكلى هحب الشغل علطول ومش بفكر فى الارتباط تانى ؟فرديت باستعباط وماصدقت امسك الخيط قلتلها ليه انتى ارتبطتى قبل كده ؟
قلتلى ايوة بس للاسف كان عاوز يتحكم فيا والسيطره وانا مبحبش الاسلوب ده
الله الله قولى كمان ياست ..اخدت نفسى ولقيت الخيط الى اظهر منه عيوب لانى عارفه جوزى بيحب ايه ومبيحبش ايه
لانى حسيت انه اتفاجا
تظاهرت بحزن عشانها وقلتلها بس الست بتلاقى سعاده كبيهر فى انها تحب جوزها وتطيعه وتعمل الحاجه الى بترضيه دى بتكون اجمل حاجه بينهم

قلتلى لا انا مبحبش الكلام الى اغلب البنات مصر ده بيقولوه انا شايفه ان الست متقلش عن الراجل فحاجه الست ليها حريتها واستقلاليتها ومخها ونجاحها
الله الله كملى وقعدت اجرجر فيها لاخرج الجزء المسيطر من جواها الى عارفه ان جوزى مبيحبوش فى الستات وهيا المسكينه فاكره انها بتظهر عيوبى انا وانى كده مش عاجباها وهيا بتستعرض افكارها الرائعه متعرفش انى ادرى بجوزى وعارفه هو بيحب الست عامله ازاى وحتى لو بهره اجزاء خارجيه بتلمع بس بيحب الجوهر ازاى


قصة لموقف تانى

من قبل مانتجوز وانا عارفه ان قريبة جوزى دى عينها منه بس للاسف اتجوزنى انا ومفكرش فيها
بس هيا بتحب تغيظنى وتخلينى اغير مش اكتر
اتعزمنا عندهم وهيا عماله تحكى ويتحكى عنها انها اكلها حلو جدا وطبعا هيا هتفنن فى اليوم ده عشان خاطره ويمدح فيها وتغيظنى
حبيت نروح بدى شويه عشان اساعدها واوريها انه عااااادى جدا الحياة حلوة وانى مش واخده بالى
وهيا بتعمل الاكل سالتنى على حاجه فيه ان فلان الى هو جوزى بيحب الاكل احط عليه سبايسى ؟ اصله كان بيحب الاكله الفلانيه كده قال يعنى عاوزة تورينى انها عارفاه قبلى وعارفه بيحب ايه
قلتلها لا ده دلوقتى بيحب الاكل سبايسى ولو عندك كزا وكزا حطيه ودقت حاجه من الى عملاها بقولها ريحتها تجنن تسلم ايدك اتبسطت اوى وفرحت وبعدين قمت قايلالها بس دى عاوزة ملح قالتلى بجد طب خلاص حطى شويه قمت حاطه

وطبعا جوزى لا بيحب السبايسى ولا الملح هههههه وكانت النتيجه على وشه على السفره وكان متدايق جدااااا ههههههه


موقف تانى

انا ملاحظه ان فى بنت مع جوزى فى الشغل بتستهبل وبينهم علاقه ورقمها عامله باسم واحد عشان فاكرنى عبيطه
انا عاوزة ابعدها عنه بدون مواجهات معاه عشان مخسرش بيتى فكرت ازاى اهددها
جبت رقم وكلمتها منه على اننا شركه تجميل وبنعرض حاجات تجميليه بخصم جامد وعينات مجانيه فى الاول وحاولت معاها وخدت منها بيانات عنها وللبيت والتلفون الارضى عشان الحاجات هتوصلها البيت من مندوب الشركه
وقد كان
كلمت اهلها وقلتلهم اناعارفه عن بنتكم كزا وكزا وعارفه العنوان والتلفون واسمها وشغلها طبعا وهددتهم انها لو مبعدتش عن شخص متجوز معاها فى الشغل هبلغ فيها بلاغ لانى ليا قرايبى فى الشرطه و و و
وطبعا الموضوع اتلم ولا كانى اعرف حاجه

اما بالنسبه للحموات والسلايف والقرايب والجيران
اوقات كتير متبقيش عارفه تعملى معاهم ايه

هدى مثال بسيط
لو ليكى اى حد من الى قلت عليهم دول وانتى عارفه انها بتغير منك وبتحاول تدايقك وتستفزك قدام جوزك او جوزها او اهل جوزك او اى حد مفيش غير انك تعملى الاتى

بينى انك بتحبيها ولما تديكى حاجه ولو تافهه قدام حد قوليلها ربنا يباركلك وادعيلها واشكريها
لما تقل زوقها قدام حد منهم او تنتقدك انتى او عيالك حاولى تعملى مش واخده بالك ومش فاهمه ولو اصرت استعبطى لحد ماتبين وحاشتها بنفسها ولو لمت الدور يبقا هتحس انها معرفتش تنال منك

واحده من قرايب الزوج او مامته او اخته بتعلق وعماله تشكر فى جوزك او خطيبك عشان تغيظك او مستكتراه عليكى
متشيليش فقلبك ردى بكل بساطه اه والله عندك حق هو يتحب فعلا هو انا بموت فيه من شويه كفايه ان زوقه حلو واتجوزنى او خطبنى انا واضحكى بدلع وروقان هتتغااااظ وبس