هتخسي ومش هتحرمي نفسك....

الجمعة أبريل 15, 2011 1:54 am

انا وزني زاد شويه اليومين دول...
وان شاء الله هابدا رجيم يوم السبت ...
وهمشي على رجيم سمعت من ناس كتييييير انها خست عليه جامد...
وانا شايفاه حلو اوي..وبسيط جدا..
وكمان بيظبط الهيموجلوبين..للي عندهم انيميا زي حالاتي...
ان شاء الله الكل يستفيد منه يارب...

يوميا ملعقة عسل صغيرة مع كوبيتين ماء على الريق...

يعني اول ماتقومي لصلاة الفجر ...

بعدها بساعه...الفطار

الفطار...

اختاري رقم واحد بس من دول؛

1- كوباية لبن قليل الدسم / او عصير برتقال طبيعي
2- قطعة توست واحده / او ربع رغيف بلدي صغير / او نص عيش فينو
3- جبنة قليلة الدسم حوالي معلقتين / او معلقتين فول / او معلقتين لبنه

الغداء:

بردو تختاري رقم واحد من دول؛

1- طبق سلطه كبييير ( انسي المايونيز او الزيت او التتبيلات الجاهزة)
2- خضار مطبوخه بأي كميه ( لو بطاطس يبقى واحده صغنونه اد البيضه )
3- لحم / او فراخ / او سمك (ما يعادل حجم 4 اصابع من كف الأيد ومن غير دهن او جلد) / او بيضتان / او نص كوباية عدس او فول
4- اربع معالق من الرز / او المكرونه / او حتة عيش اد قطعة التوست

العصر:

3 تمرات / او قطعة فاكهه ( اي نوع فاكهه بس مش كبيره )

العشاء:

علبة زبادي قليل الدسم + خيارتين
( ولازم تلتزمي بالعشا زي ماهو..وتاكليه قبل النوم بتلات ساعات على الاقل )
-------
-

- مسموح تشربي الشاي والقهوة بأي كميه من غير سكر( ممكن تستخدمي سكر الدايت)
- مسموح تاكلي وجبات تيك اواي في الغدا ....بس بشروط

مره في الاسبوع

مشويه ومن غير مايونيز ولا جبن

مثلا:
همبرجر مشوي من غير مايونيز او جبن( الكاتشاب مسموح )
10 بطاطس محمره

- ضروري المشي يوميا لمدة ساعه

-ممكن تنأنأي بجرجير..والله روعه وخصوصا للبشره...

-تشربي مية كتـــــــــــــير...ممكن 8 كوبيات في اليوم

وهقولكم كمان على حاجه تخلي بطنك تختفي..ومجرباها
شدي نفسك وانتي واقفه..يعني اشفطي بطنك لجوه...هتلاقيها في الاول صعبه بس صدقيني هتتعودي عليها...
وقبل ماتقومي من السرير اشفطي بطنك بردو.. جامد
وعدي لخمسه..

ادعولي بقى امشي عليه واخس...

ويارب كل واحده تخس وتبقى رشيقه جدا ومن غير اي شر يـــــــــــــــــارب...

بحبكم في الله...